පසම් හා ලතෝනි තරඟ

• කතෝලික පාසල් සිසුන් ට හා කතෝලික දහම් පාසල් සිසුන්ට පමණක් අයදුම් කළ හැක
• සිංහල හා දෙමළ මාධ්‍ය දෙකෙන් තරඟය පැවැත්වේ
• එක් සිසුවෙකුට ඉදිරිපත් විය හැක්කේ එක් භාෂා මාධ්‍යයකින් පමණි
• කණ්ඩායම් ගායනයක් විය යුතුය
• කණ්ඩායමක අවම වශයෙන් සාමාජිකයන් 08ක් සිටිය යුතු අතර වාදකයන් ද ඇතුලත් ව උපරිමය 12 කි. (වාදකයන් ද ඇතුළුව. වාදන භාණ්ඩ භාවිතා කරන්නේ නම් ඒවා තමන් විසින් සපයා ගත යුතු ය. කී බෝඩ්/සර්පිනා/වයලින් යන වාද්‍ය භාණ්ඩ වලින් උපරිම වශයෙන් භාණ්ඩ දෙකක් යොදා ගත හැක. ඒ අනුව කණ්ඩායමේ උපරිම වාදකයන් ගණන 02කි. ගායනයේ දී වාද්‍ය භාණ්ඩ භාවිතා කිරීම අනිවාර්ය නොවේ. වාදනය තරඟ විනිශ්චය ට අදාල නොවේ.)
• පසම් හා ලතෝනි යන ප්‍රභේද දෙකෙන්, එක් ප්‍රභේදයකින් එක් ගායනා ව බැගින් ඉදිරිපත් කළ යුතුය.(ගායනා කිරිමට අදහස් කරන පසම හා ලතෝනිය අයදුම්පත සමග දෙපාර්තමේන්තුව යොමු කර එය නිවැරදි බවට තහවුරු කර ගත යුතුය)
  • පසම් – ජේසු ස්වාමි දරුවන්ගේ දුක් ප්‍රාප්තිය පිළිබඳව ලියැවී ඇති ගායනා
  • ලතෝනි -මරියතුමියගේ විලාපය පිළිබිඹු වන ගායනා
• එක් ගායනයක් විනාඩි 3කට සීමා විය යුතුය
• ඔබ විසින් සකසා ගන්නා ලද අයදුම්පතක් මීසම් භාර පියතුමා/ විදුහල්පතිතුමා ගේ නිර්දේශය සහිතව ඉදිරිපත් කළ යුතුය. (අයදුම්පතෙහි කණ්ඩායමේ නම, ලිපිනය, කණ්ඩායම භාරකරුගේ දුරකථන අංකය හා වට්ස්ඇප් අංකය සඳහන් කළ යුතුය. තරඟය පිළිබඳව සියලු ම දැනුවත් කිරීම් එකී දුරකථන අංක හරහා සිදු කරනු ලැබේ)
• දෙපාර්තමේන්තු වෙබ් අඩවිය (www.christian.gov.lk) මගින් පසම් හා ලතෝනි පද හා තනු බා ගත කරගත හැක.
  • පසම් හා ලතෝනි පුරාණය-පළමු වෙළුම-හලාවත)
  • පසම් හා ලතෝනි පුරාණය-දෙවන වෙළුම-මීගමුව)
  • පසම් හා ලතෝනි පුරාණය-තෙවන වෙළුම-දක්ෂිණ)
• දෙපාර්තමේන්තු යූ ටියුබ් නාලිකාවේ පසම් ගායනා 209 ක් උඩුගත කොට ඇත. (https://www.youtube.com/@christianreligiousaffairs)
• දෙපාර්තමේන්තුව මගින් ඉහත පරිදි සංරක්ෂණය කර ඇති පසම් ගායනා කිරීම අනිවාර්ය නොවන අතර තම ප්‍රදේශයට ආවේනික වචන හා තාල අනුව කැමති පසමක් හා ලතෝනියක් ගායනා කළ හැක.
• ලැබෙන අයදුම්පත් වල ස්වභාවය අනුව තරඟ පවත්වන ස්ථාන තීරණය කරනු ලැබේ.
• විනිශ්චය මණ්ඩලයේ තීරණය අවසාන තීරණය වේ
• අයදුම්පත් භාරගන්නා අවසාන දිනය 2025.02.21 දින වේ
• අයදුම්පත් පහත ආකාරයට යොමු කළ හැක:
  • තැපැල් ලිපිනය – අධ්‍යක්ෂ, ක්‍රිස්තියානි ආගමික කටයුතු දෙපාර්තමේන්තුව , 3 වන මහළ, 180, ටී. බී. ජයා මාවත, කොළඹ 10
  • විද්‍යුත් තැපෑල – minchris@sltnet.lk
  • ෆැක්ස් – 0112688126

වැඩිදුර තොරතුරු දුරකථන අංක 0112665584 ඔස්සේ ද ලබා ගත හැක

අධ්‍යක්ෂ

ක්‍රිස්තියානි ආගමික කටයුතු දෙපාර්තමේන්තුව